Ti På Topp Vinter fra 1. desember

Som i fjor tilbyr bedriftsidretten Ti På Topp Vinter, og Telesport har igjen inngått ein avtale som gjer at medlemmane kan delta utan å betale deltakaravgifta på kr 200. Mange har vore med på Ti På Topp 2022 eller tidlegare sesongar. For dei som ikkje er kjent med opplegget, kan du lese meir her: https://konkurranse.trimpoeng.no/ti-paa-topp-vinter-bergen-22-23

Ti På Topp Vinter har stort sett enkle turmål som ein kan rekke i det korte dagslyset eller som er enkle å gå med hodelykt. Nokre er til og med opplyst av lysløyper. Sjølv om ikkje alle turane er så lange, er det viktigaste å kome seg litt ut også på vinteren. Det er bra for helsa og gir nytt overskudd. Og som bedriftsidretten påpeiker er det også bra for den psykiske helsa: "Dagslys og mosjon er en viktig del å være bedre rustet mot vinterdepresjoner gjennom vinterhalvåret. Det er slik at selv korte turer i naturen demper stress og bekymringer, og får oss i bedre humør. Det er vitenskapelig bevist at turer i naturen gir lavere blodgjennomstrømmingen i de deler av hjernen som gir størst aktivitet ved bekymringer og tanker, så her er det ingenting å tvile på: kom deg ut på tur!"

Med Ti På Topp appen får du tips til 15 turmål i Bergen og god guiding på korleis du kjem deg dit. Det er også eit poengsystem der ein kan vinne premiar. Vi satsar nok også på litt internpremiering i Telesport som ein ekstra motivasjon.

Appen er den samme som før, men den må oppdaterast og du må logge inn på nytt om du ikkje har gjort det nyleg. For nye brukarar finn du oppskrifta her.

Hugs at du må velge bedrift "Telesport Bergen", og at du betaler med deltakerkode. Koden blir sendt til alle ordinære medlemmar, seinast i løpet av 1 desember. Ta kontakt med Helge Ytre-Hauge eller andre i styret om du ikkje har mottatt koden.

Legg gjerne ut bilder og tips fra turane til inpirasjon for oss andre!